02 okt 11:34
Yangiliklar

Futbol

Elit OCHL. 2-turdan so'ng "Paxtakor" o'z guruhida nechanchi o'rinda?

Kecha Elit Osiyo CHempionlar Ligasi bahslarining 2-tur uchrashuvlari yakunlandi.

Ikki tur yakunlariga ko'ra, "G'arb" mintaqasida Saudiya Arabistonning ikki jamoasi "Al Hilol" va "Al Ahli" 6 ochko bilan etakchilik qilmoqda. Toshkentning "Paxtakor" jamoasi esa 1 ochko to'plagan holda musobaqa jadvalining 9-pog'onasida ketmoqda.

Eslatib o'tamiz, "sherlar" Elit OCHLning 3-turida Iroqqa safar qilishadi. Jamoa 21 oktyabr kuni "Al SHorta" mehmoni bo'ladi. Musobaqa formatiga ko'ra, G'arb mintaqasida kurash olib boradigan 12 ta jamoadan 8 tasi keyingi bosqichga yo'l oladi. Hozirgi holatida "Paxtakor" guruhda qolib ketadi.