Endi bizda ham Penchak Silat bo'yicha Jahon chempioni bor! FOTOGALEREYA

Hisob bo'yicha 18-Jahon chempionatida dunyoning 70dan ziyod mamlakatlaridan eng sara sportchilar medallar shodasi uchun bahs olib borishdi. Ular orasida hamyurtlarimiz ham bor edi. 

Yakunda bitta oltin va bronza medalini qo'lga kiritgan O'zbekiston Penchak Silat terma jamoasi 70 davlat orasida umumjamoa hisobida 5-o'rinni egalladi. 

SHuningdek, aynan O'zbekiston terma jamoasi Jahon chempionatining eng yaxshi jamoasi nomini ham qo'lga kiritdi. Terma jamoamiz tarkibida Ayubxon Abdullaev bronza medali sohibi bo'ldi. 

Oltin medal bilan taqdirlangan Abdumalik Salimov esa Penchak Silat bo'yicha O'zbekistonning ilk Jahon chempioni sifatida tarixga kirdi. Abdumalik Jahon chempionatining eng yaxshi sportchisi sifatida tan olindi. Aynan u shu yili Indoneziyada o'tgan Osiyo o'yinlarida ham bronza medaliga sazovor bo'lgan edi.