Endi "Muhimi natija emas - ishtirok" shiori ostida musobaqalarga borilmaydi

Yig'ilishni Milliy olimpiya qo'mitasi bosh kotibi Jasur Matchanov va birinchi vice-prezident Oybek Qosimovlar olib bordilar. Unda bosh kotib federaciya vakillarining Osiyo o'yinlari uchun rejalari bilan tanishdi.

Avvalgi yillarda o'tkazilgan Osiyo o'yinlarida qayd etilgan natijalar tahlil qilindi. Avgust oyida Indoneziyada bo'ladigan Osiyo o'yinlariga tayyorgarlik jarayoni, musobaqaga borish talablari boshqacha bo'lishi, avvalgi natijalar yaxshilanishi lozimligi alohida qayd etib o'tildi. 

Yig'ilish davomida Olimpiya sport turlari federaciyalari vakillarining xar biri bilan yutuq va kamchiliklar muhokama qilindi. MOQ Bosh kotibi federaciyalar taklifini kutishini, selekciyalarni kuchaytirish, resurslardan samarali foydalanish, o'quv-mashg'ulot yig'inlariga alohida etibor berilishini takidlab o'tdi. Olimpiya qo'mitasi federaciyalarga xar qanday yordam qo'lini cho'zishga tayyor ekanligini malum qilindi. 

"Biz avvalgi yillarda o'tkazilgan Osiyo o'yinlarida qayd etilgan natijalarni ko'rib, tahlil qilib chiqdik. Indoneziyadagi o'yinlarga 6 oy vaqt qoldi. SHu munosabat bilan biz yangi rejalar tuzyapmiz. SHuni malum qilishni istardimki, bizga son emas, sifat kerak. "Muhimi natija emas - ishtirok" shiori ostida o'yinlarda qatnashmaymiz. Aksincha, natijalarni yanada yaxshilash ustida ish olib boramiz va butun Osiyoga o'zbek sportining bugungi salohiyatini namoyish etamiz", - dedi Jasur Matchonov yig'ilish vaqtida.

Malumot uchun, XVIII Osiyo o'yinlari 18 avgust - 2 sentyabr kunlari Indoneziyaning Jakarta va Plembang shaharlarida o'tkaziladi. Ushbu o'yinlarda O'zbekiston  delegaciyasi katta tarkib bilan ishtirok etishi kutilyapti.