Engil atletika bo'yicha jahon chempionatida o'zbek sportchilari: Kimdir finalda, kimdir esa finishga ham etib bora olmadi

Musobaqada o'zbekistonlik atletlar ham ishtirok etishmoqda. Terma jamoamiz Qatarga 6 nafar sportchi bilan yo'l olgandi. 

Balandlikka sakrash:

Svetlana Radzivil

Nadiya Dusanova

Uchxatlab sakrash:

Ruslan Qurbonov

Marafon:

Sitora Hamidova

Andrey Petrov

Ko'pkurash:

Ekaterina Voronina

Bungacha bir necha yo'nalishlarda hamyurtlarimiz startga chiqib ulgurishdi. 

Balandlikka sakrash bo'yicha ayollar o'rtasidagi bellashuvlarda ishtirok etayotgan Svetlana Radzivil 1.94 metr balandlikni zabt etdi va finalga yo'l oldi. Endi u 30 sentyabr kuni 12 nafar sportchi ichida medallar uchun bahsga kirishadi. Mazkur yo'nalishda o'z omadini sinab ko'rgan Nadiya Dusanova esa 1.80 metr natija bilan saralashdan o'ta olmadi. 

Erkaklar o'rtasida uchxatlab sakrash bellashuvlarida ishtirok etgan Ruslan Qurbonov esa 15,86 metr natija bilan 33 nafar ishtirokchi ichida "faxrli" 31-pog'onadan joy oldi. 

Ayollar o'rtasidagi marafon bellashuvlarida esa Sitora Hamidova marraga etib bora olmadi. Andrey Petrov esa 5 oktyabr kuni erkaklar o'rtasidagi marafonda o'z omadini sinab ko'radi. 

Ko'pkurash bahslarida ishtirok etadigan Ekaterina Voronina hali o'z ishtirokini boshlamadi.