Engil atletikachilarimiz Erondagi Osiyo chempionatida ishtirok etadilar

Ushbu Osiyo chempionatida 26ta medallar jamlanmasi o'ynaladi. SHularning 13tasi erkaklar o'rtasidagi bahslarga to'g'ri kelsa,  yana shunchasi ayollar o'rtasidagi musobaqalarda o'ynaladi. 

Malumot uchun, engil atletika bo'yicha yopiq inshootlardagi Osiyo chemionati jahon chempionatlari kabi ikki yilda bir marotaba o'tkaziladi. Musobaqa ilk marotaba 2004 yilda tashkil qilingan. Erondagi turnir hisob bo'yicha sakkizinchisi hisoblanadi. 

Bu yil 1-3 fevral kunlari bo'ladigan musobaqada bahslar Tehrondagi "Aftab Engelab" sport majmuasida tashkil qilinadi. 

Ayollar o'rtasidagi bahslar kunning birinchi qismida o'tkaziladi. Tushdan keyin esa erkaklar o'rtasidagi musobaqalarga start beriladi. 

CHempionatda O'zbekiston terma jamoasi sharafini quyidagi sportchilar himoya qiladilar:

Sergey Dementev (yadro uloqtirish)

Grigoriy Kamulya (yadro uloqtirish)

Dmitriy Melsitov (balandlikka sakrash)

Javohir Noriev (uzunlikka sakrash, uch xatlab sakrash)

Nadiya Dusanova (balandlikka sakrash)

Safina Sadullaeva (balandlikka sakrash)

Roksana Xudoyarova (uzunlikka sakrash, uch xatlab sakrash)

Elena Smolyanova (yadro uloqtirish)

Nigina SHaripova (60 metrga yugurish)

Aleksandra Yurkevskaya (beshkurash)