Erik ten Xag "MYU"ning rivojlanishiga nima to'sqinlik qilayotganini aytdi

"Har qanday murabbiy yangi ish joyida yaxshi ishlashga harakat qiladi. Ammo men jamoaga ikki yil avval kelganimga qaramasdan hali hech bir uchrashuvda to'liq tarkib bilan maydonga tushmadim. Bizda jarohatlar juda ko'p va buncha jarohat bilan jamoa rivojlanishi imkonsiz. 

Agar jamoaning barcha futbolchilari sog' bo'lsa, biz eng zo'rlaridan biri bo'lamiz. Biroq ayni vaqtda biz bunday bo'la olmaymiz, sababi bizda jarohatlagan futbolchilar soni juda ko'p. Bu esa bizning o'yinga tasir ko'rsatmoqda", — dedi Erik ten Xag.

Malumot uchun, MYU joriy mavsum yakuniga bir tur qolganida turnir jadvalida 54 ochko bilan 8-pog'onada bormoqda.