Erkin kurashchimiz G'ulomjon Abdullaevga Olimpiadada kimlar raqib bo'ladi?

Musobaqada O'zbekiston delegaciyasi, jumladan sport kurashlari bo'yicha terma jamoamiz ham ishtirok etadi. Olimpiadada 3 nafar erkin kurashchimiz, 3 nafar yunon-rim kurashchimiz va yagona ayol kurashchimiz gilamga chiqadi.

Olamsport.com Birlashgan kurash dunyosi (UWW) tasdiqlagan ro'yxatga ko'ra sportchilarimizga turnir doirasida kimlar raqib bo'lishi haqida malumot berib boradi.

Yuqorida yozganimizdek, erkin kurashchilarimiz Olimpiadaga uchta yo'llanma qo'lga kiritgan.

57 kg vazn toifasidagi hamyurtimiz G'ulomjon Abdullaev o'zining ikkinchi Olimpiadasida ishtirok etadi.

Unga quyidagi kurashchilar raqib bo'lishi mumkin:

Zelimxan Abakarov (Albaniya)

Arsen Xarutunyan (Armaniston)

Spencer Li (AQSH)

Aliabbas Rizazade (Ozarbayjon)

Vanxao Zou (Xitoy)

Jamal Moxamed (Misr)

Diamantino Iuna Fafe (Gvineya-Bisau)

Aman (Hindiston)

Rey Xiguchi (Yaponiya)

Meyrambek Kartbay (Qozog'iston)

Bekzat Almaz Uluu (Qirg'iz Respublikasi)

Roman Bravo (Meksika)

Vladimir Egorov (SHimoliy Makedoniya)

Darian Kruz (Puerto-Riko)

Stevan Michich (Serbiya).

Erkin kurashchimiz Parij-2024 Olimpiadasi yo'llanmasini Qirg'iz Respublikasi poytaxti Bishkek shahri mezbonlik qilgan Osiyo qitasi sportchilari uchun licenzion turnirda qo'lga kiritgandi. Abdullaev Olimpiada licenziyasini taqdim etuvchi 1/2 final bellashuvida hindistonlik Aman Amanni muddatidan avval, tushe bahosi bilan mag'lubiyatga uchratgandi. 

Xorazm o'g'loni uch yil avval Tokiodagi Olimpiya o'yinlarida ham ishtirok etgan edi. O'shanda u bronza medali yo'lidagi o'tish bahsida AQSH terma jamoasi azosi Tomas Gilmanga 1-11 hisobida imkoniyatni boy bergan edi.

Malumot o'rnida, G'ulomjon Abdullaev ishtirok etadigan 57 kg vazn toifasidagi bellashuvlar 8-9 avgust kunlari o'tkaziladi.