Erling Xolland Husanov haqida iliq fikr bildirdi

O'yinni asosiy tarkibda boshlagan 20 yoshli himoyachimiz 54-daqiqada zaxiraga olindi. Birinchi gol aynan uning xatosidan keyin "Man Siti" darvozasiga kiritilgandi. Yakunda "shaharliklar" "CHelsi"ni 3:1 hisobida mag'lubiyatga uchratishdi. Ikkinchi gol muallifi Erling Xoland o'yindan keyin Abduqodirni qo'llab-quvvatladi.  

"Husanov - yaxshi markaziy himoyachi. Bu uning ilk uchrashuvi edi. Asabiylik, hayajon - bunday vaziyatlarda normal holat. Men o'zimning ilk o'yinimni eslayman. O'shanda Angliya Superkubogi doirasida "Liverpul"ga qarshi maydonga tushgandim. Unga yana ikkita o'yin bering va Abduqodirning nimalarga qodir ekanini ko'rsasiz", - dedi "Manchester Siti" etakchisi, APL to'purarlaridan biri, kechagi ikkinchi gol muallifi, uchinchi gol assisti Erling Xolland.