Eron terma jamoasining O'zbekistonga qarshi tarkibi malum bo'ldi

O'zbekistonga qarshi o'yindan avval – 4 iyun sanasida eronliklar Podgorica shahrida CHernogoriya termasi bilan o'rtoqlik uchrashuv o'tkazadi. Karlush Keyrush mazkur o'rtoqlik o'yiniga 20 futbolchidan iborat tarkibni elon qilgani haqida xabar berilgandi.

Eron bosh murabbiyi O'zbekistonga qarshi o'yincha chaqirilgan tarkibni ham elon qildi. Tarkibdan 26 futbolchi joy egalladi.

Darvozabonlar: Alirizo Beiranvand (“Persepolis”), Muhammadrizo Akbari (“Traktorsozi”), Muhammad Mazaheri (“Zob Ahan”), Hamid Lak (“Saipa”);

Himoyachilar: Ramin Rizoian (“Vitess”, Gollandiya), Sayid Jalol Hussayni (“Persepolis”), Muhammad Ansari (“Persepolis”), Hussayn Mahini (“Persepolis”), Pejman Muntazari (“Al-Ahli”, Qatar), Murtazo Puraliganji (“Al-Sadd”, Qatar), Milad Muhammadi (“Terek”, Rossiya), Said Agxoi (“Traktorsozi”);

Yarim himoyachilar: Izzatulloh Purgaz (“Saipa”), Said Izzatullohi (“Anji”, Rossiya), Ehson Xajisafi (“Sepaxon”), Ali Karimi (“Lokomotiva”, Xorvatiya), Masud SHojai (“Panionios”, Greciya), Ashkan Dejaga (“Volfsburg”, Germaniya), Ehson Pahlavon (“Zob Ahan”), Alirizo Jahonbahsh (“AZ Alkmaar”, Gollandiya), Mehdi Turobi (“Saipa”), Vohid Amiri (“Persepolis”);

Hujumchilar: Mehdi Taremi (“Persepolis”), Rizo G'ochannajod (“Xeerenven”, Gollandiya), Karim Ansarifard (“Olimpiakos”, Greciya), Sardor Azmun (“Rostov”, Rossiya).

Eslatib o'tamiz, Eron – O'zbekiston uchrashuvi 12 iyun kuni Tehrondagi “Ozodi” stadionida o'tkaziladi. O'yin mahalliy vaqt bilan 21:15 (Toshkent vaqti bilan 21:45)da boshlanishi ko'zda tutilgan.

Malumot uchun, JCH–2018 saralashi “A” guruhi 7-turidan keyin Eron 17 ochko bilan peshqadamlik qilmoqda. O'zbekiston 12 ochko bilan guruhda hozircha uchinchi pog'onada bormoqda.