Ertaga Hindiston - O'zbekiston bahsi, Istomin jarohat sabab yordam bera olmaydi

Unda Hindiston va O'zbekiston terma jamoalari o'zaro to'qnash kelishadi. Bugun bahslarga qura tashlash marosimi bo'lib o'tadi. Beshta o'yindan iborat uchrashuvlar 7-9 aprel kunlari o'tkaziladi. 

Afsuski, terma jamoamizda katta yo'qotish bor. Mamlakatimizning birinchi raketkasi Denis Istomin jarohat sabab hindistonlik tennischilarga qarshi uchrashuvda bizga yordam bera olmaydi.

Ayni paytda Istomin Toshkentda bo'lib turibdi. Uning tovon qismidan olgan jarohati biroz jiddiyroq bo'lib chiqdi. Terma jamoa bosh murabbiyi Petr Lebed so'nggi kunlargacha Istominning o'ynay olishiga umid qilgandi. Ammo, shifokorlar  Denisning o'ynashiga ruxsat berishmadi.

Albatta, bu erda tennischining sog'lig'i birinchi o'rinda turadi. Bangalor kortlarida uch nafar tennischimiz Sanjar Fayziev, Temur Ismoilov va Jo'rabek Karimov yurtimiz sharafini himoya qiladi.