Ertaga rapid va blic bo'yicha Jahon chempionati start oladi. O'zbekiston erkaklar va ayollar terma jamoalari tarkiblari bilan tanishing

Bugun esa Jahon chempionatining tantanali ochilish marosimi hamda matbuot anjumani o'tkaziladi. Ertaga Toshkent vaqti bilan soat 15:00da rapid yo'nalishi bo'yicha ilk o'yinlar boshlanadi. Musobaqa 30 dekabrga qadar davom etadi. 

Jahon chempionatining umumiy sovrin jamg'armasi $ 1 mln dollarni tashkil etadi. Musobaqada O'zbekiston erkaklar va ayollar terma jamoalari yurtimiz sharafini himoya qiladi.

Erkaklar terma jamoasidan kuni kecha Ozarbayjonning Boku shahrida Vugar Gashimov xotirasiga bag'ishlangan halqaro musobaqa g'oliblikni qo'lga kiritgan Nodirbek Abdusattorov, shuningdek, Butunjahon shaxmat olimpiadasi g'oliblari Javohir Sindarov, Nodirbek Yakubboev, Jahongir va SHamsiddan Vohidov, FIDE ustalari Humoyun Bekmuratov, Muhammadzohid Suyarovlar joy olgan.

O'zbekiston ayollar terma jamoasi safida esa Nafisa Mo'minova, Umida Omonova, Afruza Hamdamova kabi shaxmatchilarimiz dona surishadi.