Ertaga Samarqandda Osiyo chempionati boshlanadi

Mamlakatimizda ilk bor tashkil etilayotgan mazkur qita chempionatida O'zbekiston, Qozog'iston, Bangladesh, Xitoy Taypeyi, Gonkong, Iroq, Yaponiya, Iordaniya, Hindiston, Ummon, Tojikiston, Quvayt, Falastin, Eron kabi 14 ta davlatdan jami 45 nafar sportchi sovrinli o'rinlar uchun kurash olib boradi.

Ular orasida Jahon va Osiyo chempionatlari sovrindorlarining ham borligi musobaqalarni nechog'lik murosasiz o'tishidan dalolat beradi. Mazkur Osiyo chempionatida O'zbekiston sharafini jami 7 nafar (4 nafar erkak, 3 nafar ayol) sportchi himoya qiladi.

Musobaqa arafasida hakamlar uchun seminar tashkil etildi. Osiyo suzish federaciyasining texnik qo'mitasi azosi Sox Siang boshchiligida o'tkazilgan seminarda ochiq suv havzasida o'tadigan musobaqa qonun-qoidalari, texnik talablar hamda xavfsizlik choralari haqida atroflicha malumot berildi.

Malumot uchun, Ochiq suv havzasida suzish bo'yicha X Osiyo chempionatida ishtirokchilar 5 va 10 kilometr masofaga suzish bo'yicha musobaqalarda sovrinli o'rinlar uchun kurash olib borishadi.