Ertangi chempionlik janglari oldidan vazn o'lchash va so'nggi face to face marosimi bo'lib o'tdi

Uning co-main event jangida ikkinchi o'rta vazn toifasida vaqtinchalik WBC chempioni 27 yoshli Devid Benavides yarimog'ir vaznda sobiq jahon chempioni, ukrainalik 37 yoshli Aleksandr Gvozdikka qarshi ringga ko'tariladi. Benavidis 28 ta g'alabali jangining 24 tasini muddatidan avval yakunlagan. Undan 10 yoshga katta Gvozdikda esa 20 g'alaba va 1 mag'lubiyat bor.  

Ertangi jang oldidan bokschilar tarozidan o'tish hamda so'nggi face to face marosimlarida hozir bo'lishdi. Ikkala bokschi ham bir xil - 79 kg vazn qayd etdi va belgilangan vazn meyorini bajardi. Ushbu jang g'olibi yarimog'ir vaznda vaqtinchalik WBC chempionlik kamarini qo'lga kiritadi.

Premier Boxing Champions promouterlik kompaniyasi tomonidan tashkil etilayotgan oqshomning markaziy jangi esa engil vaznda WBA chempioni Jervonta Devis (29-0, 27 KO) ishtirokida o'tkaziladi. Uzoq muddatli tanaffusdan so'ng ringga qaytayotgan amerikalik 29 yoshli Jervonta o'zi bilan tengdosh, mag'lubiyat nimaligini bilmay kelayotgan vatandoshi Frenk Martin (18-0, 12 KO) bilan jang qiladi. Devis tarozida — 60,51 kg, uning raqibi esa — 60,96 kg tosh bosdi. Jang o'z kuchida qoldi.