Esports World Cup. Abdusattorov - Karlsen partiyasi o'tkazilmaydi

Turnir kibersport bo'yicha 2026 yilgi Jahon kubogi (Esports World Cup) uchun saralash vazifasini bajarib bermoqda. Musobaqada dunyoning kuchli shaxmatchilari keyingi bosqichlarga yo'llanma hamda katta mukofot jamg'armasi uchun kurash olib borishyapti. Eng yaxshi uch shaxmatchi Esports World Cup 2026 musobaqasiga yo'llanma oladi. 

"Nomzodlar turniri" g'olibi Javohir Sindarov saralash bosqichidagi mag'lubiyatlari sabab musobaqadagi ishtirokini erta yakunlagandi. Nodirbek Abdusattorov esa 1/8 finalda AQSH vakili Samuel Sevianni 3:0 hisobida taslim etdi. 1/4 finalda esa FIDE bayrog'i ostida harakat qilayotgan rus shaxmatchisi Denis Lazovikka qo'shimcha partiyada 2:3 hisobida yutqazib qo'ydi. 

Mag'lublar yo'lidagi turnirda o'z omadini sinab ko'rgan Nodirbek ikkinchi bosqichda rossiyalik Yan Nepomnyashiyni 1,5:0,5 hisobida mag'lubiyatga uchratdi. Uchinchi davrada Sindarovni musobaqadan chiqarib yuborgan franciyalik Maksim Vashe-Lagravni ham 1,5:0,5 hisobida engdi. 

Afsuski, Abdusattorov Mag'lublar yo'li 1/4 finalida hindistonlik Nihal Saringa kutilmaganda 0:2 hisobida imkoniyatni boy berdi. Agar Nodirbek Mag'lublar yo'lida g'alaba qozonsa, finalda norvegiyalik afsona Magnus Karlsenga qarshi bosh sovrin uchun dona surish imkoniyatini qo'lga kiritardi. Magnus G'oliblar yo'lagi 1/2 finalida FIDE bayrog'i ostida o'ynayotgan rossiyalik Denis Lazovikdan, finalda esa polshalik Yan-Krishtoff Dudadan ustun keldi. 

Magnus Karlsen GRAND FINAL bahsida yana Yan-Krishtoff Dudaga qarshi o'ynaydigan bo'ldi. Nodirbekni yutgan Nihal Mag'lublar yo'li 1/2 finalida Denis Lazavikka 0:2 hisobida yutqazdi. Lazavik esa finalda Dudaga 0,5:1,5 hisobida imkoniyatni boy berdi. 

SHu tariqa, Nodirbek Abdusattorov eronlik Sina Movahed bilan 5-6 o'rinlarni bo'lishib oldi. Hamyurtimiz onlayn turnirdagi ishtirokidan 15 000 AQSH dollari ishlab oldi.