Esports World Cup Chess. Nodirbek Abdusattorovning 1/4 finaldagi raqibi malum

NAVI jamoasi sharafini himoya qilayotgan Nodirbek Abdusattorovning D guruhidan ikkinchi o'rin sohibi sifatida pley-offga yo'llanma olgani haqida xabar bergan edik. Yosh grossmeysterimiz qura natijasiga ko'ra 1/4 finalda franciyalik Alireza Firuzdjaga qarshi dona suradigan bo'ldi.  

Ushbu juftlik g'olibi 1/2 finalda Yan Nepomnyashiy (Rossiya) - Arjun Ergaisi (Hindiston) uchrashuvi g'olibiga qarshi bahs olib boradi. Bugungi 1/4 final uchrashuvlari bizning vaqt bilan soat 17:00da boshlanadi. 

Kecha Abdusattorov 1/4 finalda kim bilan to'qnash kelishni xohlar eding, degan savolga "Magnus Karlsen bilan tushsam yaxshi bo'lardi" deya javob bergandi.

Ushbu bosqich bahslari ham 2 ta asosiy partiyadan iborat bo'ladi. SHaxmatchilar oq va qora donalarda o'zaro ikki bor hisob-kitob qilishadi. Har bir shaxmatchiga 10 daqiqadan vaqt beriladi. Qo'shimcha vaqt taqdim etilmaydi. Durang bo'lgan holatda g'olibni aniqlab beruvchi armageddon partiyasiga murojaat qilinadi. 

Esports World Cup Chess. 1/4 final juftliklari

Nodirbek Abdusattorov — Alireza Firuzdja (Franciya)

Yan Nepomnyashiy (Rossiya) — Arjun Ergaisi (Hindiston)

Magnus Karlsen (Norvegiya) — Nihal Sarin (Hindiston)

Hikaru Nakamura (AQSH) — Levon Aronyan (AQSH)