Etirof-2016. Hasanboy Do'smatov eng yaxshi sportchi, Fotimaxon Amilova eng yaxshi ayol sportchi

Bokschimiz Hasanboy Do'smatov eng yaxshi sportchi deb tan olindi. U o'tgan yil Rio olimpiadasida O'zbekiston terma jamoasi hisobiga ilk oltin medalni keltirgan va yakunda olimpiadaning eng yaxshi bokschisi deb topilgan edi.

Suzuvchimiz Fotimaxon Amilova 2016 yilning eng yaxshi ayol sportchisi deb tan olindi. Fotimaxon paralimpiada bahslarida bir yo'la oltin, kumush va bronza medallariga ega chiqqandi.

Husniddin Norbekov yilning eng yaxshi paralimiyachisi deb topildi. Engil atletikaning disk uloqtirish bahslarida ishtirok etgan Norbekov jahon rekordi evaziga oltin medalni qo'lga kiritgandi. U diskni 59 metru 75 santimetr masofaga uloqtirib, jahon rekordini yangilagandi.

Og'ir atletika bo'yicha O'zbekiston terma jamoasi ustozi Bahrom Abdumalikov yilning eng yaxshi murabbiy deb topildi va "Etirof-2016" sovriniga ega bo'ldi.