Evro-2024. Portugaliya Sloveniyani penaltilar seriyasida mag'lubiyatga uchratdi

Portugaliya termasi penaltilar seriyasida Sloveniyani mag'lub qildi va chorak finalga yo'l oldi. Portugallar posboni seriyada 3 ta zarbani qaytardi va qahramonga aylandi. Avvalroq, Diogu Koshta Pepe qoqilib ketib, raqib birga-bir vaziyatga chiqqan hujumda ham super seyv qayd etgandi. 

Bundan tashqari, Krishtianu Ronaldu 105-daqiqada penaltidan gol ura olmagani o'yindagi eng etiborga molik vaziyatlar biri bo'ldi. Keyin esa bu vaziyat sabab Ronaldu yig'lab yubordi. Yakunda Portugaliya baribir g'alabani ilib ketdi. Asosiy qahramon esa - darvozabon Diogu Koshta.

Portugaliya – Sloveniya  0:0 Penaltilar seriyasi: 3:0

Penaltilar seriyasidagi gollar: Krishtianu Ronaldu, Brunu Fernandesh, Bernardu Silva

Portugaliya – Diogu Koshta, Joau Kanselu (Semedu, 117), Pepe (Ruben Nevesh, 117), Ruben Diash, Mendesh, Brunu Fernandesh, Bernardu Silva, Palinya, Vitinya (Diogu Jota, 65), Rafael Leau (Fransishku Konseysau, 76), Ronaldu.

Sloveniya – Oblak, Stoyanovich (Verbich, 86), Karnichnik, Drkushich, Biyol, Balkovec, Gnezda-CHerin, Elshnik (Ilichich, 105), SHporar (Celar, 75), SHeshko, Mlakar (Gorenc-Stankovich, 74).

Ogohlantirishlar: Drkushich (32), Karnichnik (37), Gorenc-Stankovich (101), Biyol (106), Balkovec (107), Joau Kanselu (107).