Farg'ona “CHellenjer”. Bugun Fayziev bahslarga kirishadi

Ushbu musobaqaning sovrin jamg'armasi 75 000 AQSH dollarini tashkil qiladi. Asosiy to'rga hamyurtlarimizdan Sanjar Fayziev, Humoyun Sultonov va Farrux Do'stov imtiyozli yo'llanma asosida qo'yilishgandi.

Kecha ulardan Sultonov va Do'stov reytingda o'zlaridan ancha yuqorida turgan raqiblarini mag'lub etib, ikkinchi davraga yo'l olishdi. Bugun esa Fayziev birinchi davra uchrashuvini o'tkazadi. U turnirning beshinchi raketkasi rossiyalik Ivan Nedelkogaga qarshi kortga chiqadi. 

Taqqoslash uchun, Nedelko ATP reytingida 241-o'rinni egallab turibdi. Fayziev esa 509-pog'onadan joy olgan. Sanjar oxirgi 5ta uchrashuvining barchasida mag'lubiyatga uchragan. Nedelko esa 5ta bahsidan 4tasida yutqazgan. Tennischilar shu kungacha o'zaro kortda to'qnash kelishmagan.