24 iyu 12:35
Yangiliklar
Tennis
Farg'ona “Fyuchers”. Abduraimova bosh mukofot sohibasi!
Hozirgina Farg'ona shahridagi “Istiqlol” tennis kortlarida o'tkazilayotgan “Fyuchers” turkumiga kiruvchi turnir o'z yakuniga etdi.
Mukofot jamg'armasi 25 000 AQSH dollarini tashkil qilgan musobaqaning yakkalik bahslaridagi bosh sovrin hamyurtimiz Nigina Abduraimovaga nasib etdi. Nigina osonlik bilan chempionlikni qo'lga kiritdi.
Mamlakatimizning ikkinchi raketkasi turnirda uchinchi raqam ostida tasniflangan edi. U finalda rossiyalik Anastasiya Frolovaga qarshi kortga chiqdi. Birinchi set 6:3 hisobida Niginaning foydasiga hal bo'ldi.
Ikkinchi setning ikkinchi geymidan so'ng Nastya kurashni davom ettira olmasligini malum qildi. Bu paytga kelib Abduraimova 2:0 hisobida oldinga chiqib olgan edi.
SHu tariqa, Nigina Abduraimova Farg'ona “Fyuchers” turniri g'olibasiga aylandi. Ertaga elon qilinadigan yangilangan reytingda tennischimiz o'z o'rnini yaxshilab oladi.
Havola :
Manba : olamsport.com
O’xshash yangiliklar
12:49
SHohjahon Ergashev hind bokschisiga qarshi ringga chiqadigan boks oqshomining to'liq kardi malum 0
Fikrlar