21 iyu 10:43
Yangiliklar

Tennis

Farg'ona “Fyuchers”. Abduraimova derbida g'alabaga erishdi

Farg'ona shahridagi “Istiqlol” tennis kortlarida “Fyuchers” turkumiga kiruvchi turnirning asosiy to'r bahslari davom etmoqda.

Ushbu musobaqaning mukofot jamg'armasi 25 000 AQSH dollarini tashkil qiladi. Mamlakatimizning ikkinchi raqamli tennischisi Nigina Abduraimova turnirning yakkalik bahslaridagi ishtirokini g'alaba bilan boshladi.

Hamyurtimiz Farg'onaning musobaqaning uchinchi raketkasi sifatida qayd etilgan bo'lib, ilk davrada yana bir hamyurtimiz turnirga imtiyozli ravishda qo'yilgan Nasiba Espolovani 6:1, 6:2 hisobida mag'lub etdi. Endi u ikkinchi bosqichda belaruslik Sadafmoh Tolibovaga qarshi kortga chiqadi.