23 iyu 16:44
Yangiliklar

Tennis

Farg'ona “Fyuchers”. Abduraimova finalda o'ynaydi

Farg'ona shahridagi “Istiqlol” tennis kortlarida “Fyuchers” turkumiga kiruvchi turnirning asosiy to'r bahslari davom etmoqda.

Ushbu musobaqaning mukofot jamg'armasi 25 000 AQSH dollarini tashkil qiladi. Mamlakatimizning ikkinchi raqamli tennischisi Nigina Abduraimova hozirgina yakuniga etgan yarim final uchrashuvida g'alabaga erishdi.

Musobaqaning uchinchi raketkasi sifatida qayd etilgan hamyurtimiz oltinchi raqam ostida harakat qilgan rossiyalik Varvara Flinkni 6:2, 6:4 hisobida mag'lub etib, finalga yo'l oldi. Endi u ertaga bosh mukofot uchun kechadigan bahsda rossiyalik Anastasiya Frolovaga qarshi kortga chiqadi.