24 iyu 10:31
Yangiliklar

Tennis

Farg'ona “Fyuchers”. Bugun Nigina bosh mukofot uchun kortga chiqadi

Bugun Farg'ona shahridagi “Istiqlol” tennis kortlarida o'tkazilayotgan “Fyuchers” turkumiga kiruvchi turnir o'z yakuniga etadi.

Ushbu musobaqaning mukofot jamg'armasi 25 000 AQSH dollarini tashkil qiladi. Bugun hal qiluvchi final bahsida mamlakatimizning ikkinchi raqamli tennischisi Nigina Abduraimova rossiyalik Anastasiya Frolovaga qarshi kortga chiqadi.

Kecha yarim finalda musobaqaning uchinchi raketkasi sifatida qayd etilgan hamyurtimiz oltinchi raqam ostida harakat qilgan rossiyalik Varvara Flinkni 6:2, 6:4 hisobida mag'lub etgandi. Frolova esa turnir kashfiyotiga aylangan tennischimiz Go'zal Yusupovadan ustun kelgandi.