23 iyu 10:48
Yangiliklar

Tennis

Farg'ona “Fyuchers”. Ikki tennischimiz final chiptasi uchun kurashga shay!

Farg'ona shahridagi “Istiqlol” tennis kortlarida “Fyuchers” turkumiga kiruvchi turnirning asosiy to'r bahslari davom etmoqda.

Mukofot jamg'armasi 25 000 AQSH dollarini tashkil qiluvchi musobaqada bugun yakkalik bahslarining yarim final uchrashuvlari o'tkaziladi. Ikkala juftlikda ham o'zbekistonlik tennischi qizlar kortga chiqishadi.

Asosiy to'rga saralash bahslari orqali etib kelgan istedodli tennischimiz Go'zal Yusupova final chiptasi uchun Anastasiya Frolova bilan raqobatlashadi. Rossiyalik bu tennischi kecha chorak finalda hamyurtimiz turnirning birinchi raketkasi Sabina SHaripovani musobaqadan chiqarib yuborgandi.

Ikkinchi yarim final juftligida mamlakatimizning ikkinchi, turnining uchinchi raqamli tennischisi Nigina Abduraimova oltinchi raketka rossiyalik Varvara Flink bilan munosabatlariga oydinlik kiritib oladi.