Farg'ona “Fyuchers”. Tennischilarimizning raqibalari malum

Ushbu musobaqaning mukofot jamg'armasi 25 000 AQSH dollarini tashkil qiladi. Mamlakatimizning birinchi raqamli tennischisi Sabina SHaripova mos ravishda turnirning ham birinchi raketkasi sifatida harakat qiladi. 

Qura natijasiga ko'ra SHaripova ilk davrada rossiyalik Margarita Lazarevaga qarshi kortga chiqishi malum bo'ldi. Uchinchi raketka sifatida qayd etilgan Nigina Abduraimova esa yana bir hamyurtimiz turnirga imtiyozli ravishda qo'yilgan Nasiba Espolovani sinovdan o'tkazadi.

Arina Folc rossiyalik Darya Lodikova, Go'zal Yusupova hindistonlik Riya Bxatiya, Elina SHaripova qirg'izistonlik Kseniya Palkina, Nigora Azimjonova esa rossiyalik Kamila Rahimovaga qarshi kortga chiqadi.

Malumot uchun, Sabina SHaripova bungacha ketma-ket Namangan va Andijondagi turnirlarda bosh mukofot sohibasiga aylangandi. Farg'onada ham aynan u g'oliblik uchun asosiy davogar bo'lib turibdi. SHaripova WTA reytingida 135-o'rinda bormoqda.