Farg'ona “Fyuchers”. Yusupovadan yana sensaciya, u yarim finalda!

Musobaqaning mukofot jamg'armasi 25 000 AQSH dollarini tashkil qiladi. Asosiy to'rga saralash bahslari orqali etib kelgan istedodli tennischimiz Go'zal Yusupova ketma-ket uchta uchrashuvda kuchli raqibilarini engib, musobaqaning yarim finaliga yo'l oldi. 

Yusupova hozirgina yakuniga etgan chorak final bahsida dunyoning 525-raketkasi rossiyalik Sofiya Lansereni 7:6(3), 6:0 hisobida mag'lub etdi. Endi u final chiptasi uchun yana bir rossiyalik tennischi Anastasiya Frolovaga qarshi kortga chiqadi. 

Malumot uchun, WTA reytingida o'z o'rniga ega bo'lmagan hamyurtimiz avvaliga reytingda 640-pog'onadan joy olgan hindistonlik Riya Bxatiyani 7:6(1), 6:4, ikkinchi bosqichda turnirning to'rtinchi, dunyoning 335-raketkasi ukrainalik Valeriya Straxovani 0:6, 7:6(10), 7:6(6) hisobida taslim etgan edi.