20 dek 11:34
Yangiliklar

Boks/MMA, Boshqalar

Farg'onada viloyat sportchilari taqdirlandi: Navbahor Hamidovaga uy sovg'a qilindi

Yil davomida xalqaro maydonlarda yuqori natijalarga erishgan Farg'ona viloyati sportchilari taqdirlandi, deb xabar qilmoqda Yoshlar siyosati va sport vazirligi matbuot xizmati.

Farg'ona shahridagi Islom Karimov nomidagi teatr-konsert saroyida bo'lib o'tgan viloyat hokimining yoshlar bilan uchrashuvi doirasida yil davomida xalqaro maydonlarda yuqori natijalarga erishgan sportchilari ham taqdirlandi.

Tadbirda viloyatda sportni rivojlantirish va ommalashtirishga, nufuzli musobaqalarda erishgan yuqori natijalari bilan yurtimizning xalqaro maydondagi shon-shuhratini yuksaltirishga munosib hissa qo'shgan 54 nafar sportchiga viloyat hokimining tashakkurnomasi hamda sovg'alari topshirildi.

Jumladan, boks bo'yicha jahon chempionati sovrindori, bir qator musobaqalar g'olib va sovrindori Navbahor Hamidovaga uy sovg'a qilindi.