"Faxriy" tennischi Do'stov "Ashxobod-2017" rasmiy sayti etirofida

Turnir rasmiy sayti o'zbekistonlik tennischi haqida maqolani muxlislar etiboriga havola etdi.

"O'z vaqtida dunyoning eng kuchli 100 tennischisi orasiga kirgan sportchining ishtiroki tashkilotchilarda o'zgacha taassurot qoldirmoqda", - deya boshlangan maqola.



"2015 yilgi Devis kubogi bahslaridan so'ng sportchi jarohat olgan va o'sha jarohati uning faoliyatiga yomon tasir ko'rsatgandi. Ushbu jarohat Farruxni 9 oy "o'yindan tashqari holat"da qolishga majbur qildi.

Jarohat sabab u o'z o'yin uslubini o'zgartirishi lozim edi. 31 yoshga kelib u yana katta sportda o'z omadini sinab ko'rmoqda.U ATR reytingidagi o'rnini yo'qotib qo'ygan. Lekin, baribir dunyo tennis olamida o'z o'rnini qaytarib olmoqchi. Va u buni jarohatiga halal bermaydigan yangicha uslubida amalga oshirishi lozim bo'ladi. Farrux Ashxoboddagi turnirda ishtirok etayotgan tennischilar orasida "faxriy" hisoblansada, yoshlarga hos kuch va g'ayrat bilan ilk davrada filippinlik raqibi Jeson Patrombonni 7:5, 6:2 hisoblarida mag'lubiyatga uchrata oldi. Dunyoning 98-raqamli tennischisiga buning uchun 58 daqiqa etarli bo'ldi.

"Men hayotimda bu yigitlarga qarshi hech qachon to'qnash kelmaganman. Lekin, ular g'alaba uchun oxirigacha kurashadilar. Ularni xato qilishga majbur qilish uchun sen oxirigacha kurashishing lozim. Sportchilarning tayyorgarlik saviyasi men tanaffusdaligimda sezilarli darajada oshdi.

Yuztalikka qaytishim mumkinmi? Barcha narsaning iloji bor. SHunchaki bunga ishonish lozim. Yosh shunchaki oddiy raqamlar", - deydi Do'stov.

"Ashxobod-2017" rasmiy sayti asosida Aziz To'xtamurodov tayyorladi