Fedor Emelyanenko "ASIAN FIGHT"ga tashrif buyurmaydimi?

Bugun turnir tashkilotchilari tomonidan musobaqaga atalgan yangi poster taqdim etildi. Ushbu rasmda fahriy mehmonlar sifatida tashrif buyuradigan yulduzlar ichida rossiyalik aralash qoidalar jangchisi Fedor Emelyanenkoning yo'qligi ko'plab savollarni yuzaga keltirmoqda.

Turnir tashkilotchilarining www.olamsport.com saytiga malum qilishlaricha, ayni paytda rossiyalik sportchining mamlakatimizga tashrif buyurishi so'roq ostida. U ayni paytda tayinli javob berayotgani yo'q. SHu sababdan ham, tashkilotchilar tavakkal qilmoqchi emaslar.

Ammo, suratga joylashtirilgan boshqa yulduzlar Jan Klod van Damm va Jeff Monsonlar yurtimizga kelishi aniq. Yaqin soatlarda Van Dammning O'zbekiston ahliga yo'llagan salomini etiboringizga havola qilamiz.

SHuni ham mamnuniyat bilan elon qilamizki, jang oqshomiga rossiyalik xonanda Lok Dog tashrif buyurishi rejalashtirilgan. SHuningdek, o'sha kuni o'zbek va qo'shni davlat estrada yulduzlari o'z chiqishlarini namoyish etadilar.

Kechaning asosiy voqeligi albatta 8 nafar o'zbek jang sanati ustalarining raqiblarga qarshi janglari bo'ladi. Ushbu to'qnashuvlarda yurtdoshlarimizni qo'llab-quvvatlang.
O'zbekistonda ilk marotaba tashkil qilinayotgan bunday jang oqshomini bevosita kuzatib borish imkoniyatini qo'ldan boy bermang!