Fergana Cup. Bugun Fomin jamoadoshiga qarshi kortga chiqadi

O'g'il bolalar o'rtasidagi G3 turnirida ham o'ndan ziyod davlatdan tennischilar ishtirok etyapti. Hamyurtimiz Sergey Fomin musobaqaning birinchi raqamli tennischisi sifatida saralangan. 

Qura natijasiga ko'ra, bugun Fomin birinchi davra uchrashuvida yana bir o'zbekistonlik tennischi Iskandar Karimovga qarshi kortga chiqadi. Turnirning ikkinchi raqamli ishtirokchisi ruminiyalik Sibastyan Jima esa hamyurtimiz Ravshan Qodirovni sinovdan o'tkazadi. 

Malumot uchun, shanba kuni yakuniga etgan Toshkentdagi NBU Cup musobaqasida aynan Fomin bosh mukofotni qo'lga kiritgan edi. Farg'onadagi turnirda ham Sergey bosh sovrin uchun asosiy davogar bo'lib turibdi.