16 jan 07:43
Yangiliklar
FIA Abu-Dabi Gran-prisi bo'yicha rasman tekshiruv boshladi
FIA Jahon kengashining 2021 yil 15 dekabrdagi yig'ilishida qabul qilingan qarorga muvofiq, FIA mamuriyati Muhammad bin Sulayem boshchiligida yakuniy Abu Dabi Gran-prisi voqealarini batafsil tahlil qilishni boshladi.
FIA prezidenti barcha Formula-1 jamoalari bilan bir qator masalalarni, shu jumladan, ushbu masalani ham muhokama qiladi.
19 yanvar kuni bo'lib o'tadigan yig'ilishda xavfsizlik avtomobilidan foydalanish bo'yicha tekshiruv qo'mitaning kun tartibiga kiritiladi. Keyingi qadam bu masalani barcha Formula-1 haydovchilari bilan birgalikda muhokama qilish bo'ladi.
Batafsil tahlil natijalari fevral oyida Formula-1 komissiyasiga taqdim etiladi va bu boradagi yakuniy qaror FIA Jahon kengashining 18 mart kuni Bahraynda bo'lib o'tadigan yig'ilishida elon qilinadi.
Eslatib o'tamiz, 12 dekabr kuni Abu-Dabida Formula-1 navbatdagi mavsumining so'nggi poygasi bo'lib o'tgandi. "Mersedes" vakili Lyuis Xemilton va "Red Bull" piloti Maks Ferstappen bosqich oldidan bir xil ochko jamg'arishgandi. Gollandiyalik poygachi so'nggi aylanada Xemiltondan o'zib ketgan va faoliyatida ilk bor chempionlikni qo'lga kiritgan edi.
"Mersedes" jamoasi ikkita holat yuzasidan o'z noroziligini bildirgan, biroq styuardlar ularni rad etishgan edi. Etirozlardan biri Safety Car rejimidan so'ng qayta start tartibining buzilishi bilan bog'liq.
Fikrlar