FIDE Jahon Kubogi. Nodirbek 6-raqamli ishtirokchini mag'lub etib, 1/16 finalga yo'l oldi FOTOREPORTAJ

Musobaqaning umumiy mukofot jamg'armasi 1 892 500 dollarni tashkil qiladi. G'olib yakunda 110 000 dollarga ega bo'ladi. Kecha Jahon Kubogining 1/32 final bosqichidan o'rin olgan tay-brek partiyalar o'tkazildi. Unda yosh grossmeysterlarimiz Jahongir Vohidov va Nodirbek Abdusattorov nomdor, reytingda o'zlaridan ancha yuqorida turgan grossmeysterlarga qarshi dona surishdi. 

Quvonarlisi, Nodirbek Abdusattorov (2634) turnir favoritlaridan biri, musobaqada oltinchi raqam ostida tasniflangan franciyalik taniqli grossmeyster Anish Giri (2776) ustidan tay-brekda 3:1 hisobida g'alaba qozonib, 1/16 final bosqichiga yo'llanma oldi. Ushbu natija shaxmat olamida "sensaciya" sifatida qabul qilindi. SHaxmatchilar dastlabki ikki partiyada durang o'ynashgan edi. 

Afsuski, Jahongir Vohidov 1/16 final chiptasi uchun kechgan tay-brekda rossiyalik Pavel Ponkratovga yutqazib qo'ydi. Asosiy ikki partiyada tomonlar bittadan g'alabaga erishishgandi. Endi ikki yosh grossmeysterimiz jahon toji uchun kurashni davom ettiradi. 

Eslatib o'tamiz, Javohir Sindarov 1/32 finalning asosiy partiyasida perulik Xorxe Koridan 1,5:0,5 hisobida ustun kelgandi. Uning 1/8 final chiptasi uchun kechadigan uchrashuvlardagi raqibi polshalik xalqaro grossmeyster Piorun Kasper bo'ladi. 17 yoshli Abdusattorov esa ozarbayjonlik 29 yashar grossmeyster Vasif Durarbayliga qarshi dona suradi.

FOTO: www.flickr.com