FIDEga azo mamlakatlar soni 200ga yaqinlashmoqda

Xalqaro shaxmat federaciyasi (FIDE) prezidenti Arkadiy Dvorkovich bir yil ichida 200 mamlakat ushbu tashkilotga azo bo'lishiga umid bildirdi. U bu haqda Xalqaro shaxmat kuniga bag'ishlangan FIDE va BMTning «Sog'lomlashtirish uchun shaxmat» onlayn-tadbirida aytib o'tdi.

Xalqaro shaxmat kuni 1966 yildan beri har yili 20 iyulda nishonlanib kelinmoqda. 1924 yil shu kuni FIDE tashkil etilgan.

«FIDE 96 yoshda, shu sababdan biz endi yosh emasmiz, – dedi Dvorkovich.«Biz allaqachon barkamol va kuchlimiz. Ayni paytda biz 195 ta milliy shaxmat federaciyasini birlashtiramiz, yani 200 ga yaqinlashib qoldik. Aminmanki, kelasi yilning iyul oyida – keyingi tug'ilgan kunimizni nishonlayotgan paytda safimizda ko'pchilik bo'ladi».

«Ammo bu shunchaki raqamlar emas. Uning ortida butun dunyo bo'ylab shaxmatni sevadigan minglab va millionlab odamlar turibdi. SHaxmat o'yini odamlarga quvonch bag'ishlaydi, ularning aql-idrokini rivojlantiradi, ularga yangi ko'nikmalarni, jumladan mantiqiy fikrlashni rivojlantirishga imkon beradi, bu esa uning atrofida bo'layotgan narsalarni tahlil qilishga imkon beradi», – deya qo'shimcha qildi u.

Dvorkovich o'z nutqi davomida shaxmatni maktab o'quv dasturiga kiritishning muhimligini takidladi.