FIFA Jahon chempionatida terma jamoalar qaydnomaga 26 nafar o'yinchini kiritishiga ruxsat berdi

SHu yili Qatarda o'tkaziladigan Jahon chempionati uchun terma jamoalar qaydnomaga 26 nafar futbolchini kiritishlari mumkin. SHu bilan birga, kengaytirilgan ro'yxatda 55 nafar o'yinchi bo'lishi mumkin. Bu avvalgi sondan 20 taga ko'pdir. 

FIFAning ushbu qarorga kelishiga, koronovirus pandemiyasi va Jahon chempionatining noananaviy davrda o'tayotgani sabab bo'lgan. Malumot uchun, Qatar mezbonlik qiladigan Jahon chempionati 21 noyabrdan 18 dekabrgacha o'tkaziladi.