FIFA: “JCHning guruh bosqichidayoq g'olib penaltilar seriyasida aniqlanishi mumkin”

FIFA rahbari Janni Infantino 2022 yili Qatarda bo'ladigan JCHda ishtirokchilar soni 32 tadan 48 tagacha oshirilishiga umid qilmoqda. Terma jamoalar esa 3 tadan 16 ta guruhga ajratilishi mumkin.
Agar bu o'zgarish amalga oshadigan bo'lsa, guruh bosqichida so'nggi uchrashuvda durang qayd etgan jamoalarning pley offga yo'llanma olish imkoniyati ko'payar ekan.

SHu sabab FIFA mutasaddilari guruh bosqichida durang qayd etilgudek bo'lsa, g'olibni penaltilar seriyasi orqali aniqlashga erishmoqchi. Ushbu qoidaga muvofiq, jamoalar durang uchun bir ochko, penaltilar seriyasida g'olib chiqsa, o'z hisobiga yana bir ochko yozib qo'yishi mumkin.