FIFA reytingi: O'zbekiston ayollar terma jamoasi 42-o'rinda

Unga ko'ra, O'zbekiston ayollar terma jamoasi avvalgi oyda elon qilingan reytingdagi o'rnida qolgan. O'zbekiston hisobida hozir 1540 ochko bo'lib, jamoa 42-pog'onani band etgan.

Jahon reytingida hamon AQSH ayollar terma jamoasi etakchi. Ikkinchi o'rinni Germaniya egallab turgan bo'lsa, Franciya kuchli uchlikni yakunlab bergan.

Osiyo Futbol Konfederaciyasiga azo mamlakatlar ayollar terma jamoalari reytingida O'zbekiston 9-o'rinda. Bu borada peshqadam jahon reytingining 6-o'rinini band qilgan Avstraliya bo'lib turibdi. Undan keyingi o'rinlarda Yaponiya va KXDR terma jamoalari joylashgan.

Eslatib o'tamiz, 2017 yilning 3-12 aprel kunlari oralig'ida O'zbekiston ayollar terma jamoasi 2018 yilda o'tkaziladigan Osiyo chempionati saralashida ishtirok etadi. Ushbu saralash uchun qura tashlash marosimi esa 2017 yilning 21 yanvar kuni Iordaniya poytaxti – Amman shahrida bo'lib o'tadi.