Final! "Humo" "Nomad"ga qarshi o'yinlar seriyasini qachon va qaerda boshlaydi?

Kecha xokkey bo'yicha Qozog'iston Ochiq chempionatida ikkinchi finalchining nomi malum bo'lgan edi.

Quvonarlisi, 1/2 final bosqichida "Beybaris"ga qarshi muzga chiqqan Toshkentning "Humo" jamoasi o'yinlar seriyasida 4:1 hisobida g'alaba qozonib, final chiptasini hal qilgandi.

"Qanotlilar"ga finalda Muntazam chempionat g'olibi — "Sariarka"dan ustun kelgan "Nomad" klubi raqiblik qiladi. Jamoalar o'rtasidagi o'yinlar seriyasi 2 aprel kuni Toshkentda start oladi.

"Nomad" jamoasi "Humo" uchun noqulay raqiblardan biri hisoblanadi. Jamoalar o'rtasida Muntazam chempionat doirasida o'tkazilgan to'rtta uchrashuvning ikkitasida "Nomad" g'alaba qozongan bo'lsa, qolgan ikkita uchrashuv vakillarimiz foydasiga hal bo'lgan edi.

Jamoalar o'rtasida kutilayotgan final o'yinlari seriyasi:

2 aprel, 17:00 — Toshkent;
3 aprel, 19:30 — Toshkent;
7 aprel, 18:00 — Astana;
8 aprel, 16:00 — Astana.

O'yinlar YouTube platformasidagi InSport TV kanali orqali translyaciya qilinadi.