17 iyu 12:10
Yangiliklar

Tennis

Fomin "Prezident kubogi"ida 6-raketkani mag'lub etdi

Qozog'istonning Ostona shahrida tennis bo'yicha "CHellenjer" turkumiga kiruvchi "Prezident kubogi" turniri davom etmoqda.

Ushbu turnirda mamlakatimizning ikkinchi raketkasi Sergey Fomin ilk davrada yaponiyalik Yuzuki Takeruni 7:6, 6:1 hisobida mag'lub etgandi. Biroz avval u ikkinchi bosqichda turkiyalik Yanki Erelga qarshi kortga chiqdi. Birinchi setning to'qqizinchi geymidan keyin Yanki jarohati sabab bahsni davom ettira olmasligini malum qildi. Bu paytga kelib Sergey 5:4 hisobida oldinda borayotgandi.

Taqqoslash uchun, Sergey Fomin ATP reytingida 582, turnirning oltinchi raketkasi sifatida harakat qilgan Erel esa 448-pog'onadan joy olgan. 23 yoshli hamyurtimizning 1/4 finaldagi raqibi birozdan so'ng malum bo'ladi.