Fomin Qozog'istondagi turnirda muvaffaqiyatli start oldi, SHin yutqazdi

Mukofot jamg'marasi 15 ming dollarni tashkil etgan turnirda uch nafar tennischimiz ham o'z imkoniyatini sinab ko'ryapti. Mamlakatimizning ikkinchi raketkasi Sergey Fomin ilk davrada yaponiyalik SHinji Xazavani 6/2, 6/2 hisobida taslim etdi. Hamyurtimiz turnirda ikkinchi raqam ostida tasniflangan bo'lib, dunyoning 632-raketkasi bo'lib turibdi. Xazava esa ATP reytingida 1235-pog'onadan joy olgan.

Uchinchi raketkamiz Maksim SHin esa hindistonlik Prajval Devga imkoniyatni boy berib qo'ydi - 4/6, 4/6. Dev turnirning to'rtinchi raketkasi hisoblanadi. U reytingda 706, SHin esa 1158-pog'onani band etgan.