21 dek 08:25
Yangiliklar

Boks/MMA

FOTO. Hasanboy Do'smatovga “Yilning eng yaxshi bokschisi” sovrini topshirildi

Kecha SHveycariyaning Lozanna shahrida Xalqaro havaskor bokschilar associaciyasi (AIBA)ning yil yakunlariga bag'ishlangan marosimi bo'lib o'tdi.

Quvonarlisi, 49 kg vazn toifasida Rio Olimpiadasi chempioni Hasanboy Do'smatov AIBA tomonidan “Yilning eng yaxshi bokschisi” (AIBA Best men boxer 2016”) deb topilib, maxsus mukofot tantanali ravishda topshirildi.

Hamyurtimiz o'tkazilgan so'rovnomada 77 foiz ovoz bilan yaqqol peshqadam sifatida g'olib bo'ldi. Ikkinchi o'rinni 18 foiz ovoz bilan qozog'istonlik Olimpiada chempioni Daniyar Eliusinov egalladi.

Kubalik chempion Robeysi Ramires esa uchinchi pog'onadan joy olgan. Rio Olimpiadasi chempioni 5 foiz ovoz to'pladi.

Takidlash joiz, 2016 yil Hasanboy Do'smatov uchun omadli keldi. Olimpiada chempioni bo'lgan bokschimiz to'rt yillikning eng yaxshi bokschisiga topshiriladigan nufuzli Vel Barker kubogi sohibiga ham aylandi.