18 mar 08:10
Yangiliklar

Boshqalar, Tokio-2020

FOTO. Oybek Kasimov Qozog'iston MOQning 25 yillik tantanalarida qatnashdi

Qozog'iston Milliy olimpiya qo'mitasi tashkil etilganiga 25 yil to'ldi.

SHu munosabat bilan kecha Astana shahrida katta tadbir o'tkazildi. Unda shaxsan Qozog'iston Respublikasi Prezidenti Nursultan Nazarbaev ishtirok etdi.

SHuningdek, marosimda Osiyo Olimpiya ittifoqi prezidenti SHayx Ahmad al Faxad al Saboh, Qozog'iston Milliy olimpiya qo'mitasi prezidenti Timur Kulibaev, Xalqaro olimpiya qo'mitasi rasmiylari, ko'plab mamlakatlarning olimpiya qo'mitalari vakillari qatnashishdi.

Ular orasida O'zbekiston Milliy olimpiya qo'mitasi Bosh kotibi Oybek Kasimov ham bor edi. Oybek Omilovich marosim chog'ida qozog'istonlik hamkasblariga esdalik sovg'alarini topshirdi.