FOTO Ravshan Ermatov Osiyo chempionatining final bosqichiga chiqqan futzalchilarimizni qabul qildi

Bahodir Ahmedov shogirdlari Eronning Urmiya shahrida o'tgan Osiyo chempionati-2020 saralash guruh bosqichi g'olibiga aylanishgandi. Futzalchilarimiz Afg'onistonni 6:2, Nepalni 4:1, Tojikiston terma jamoasini esa 9:3 hisobida mag'lub etishgan edi. 

Kecha O'zbekiston futbol associaciyasida uchrashuv bo'lib o'tdi. O'FA vice-prezidenti Ravshan Ermatov guruh g'olibi sifatida Turkmanistonda o'tadigan Osiyo chempionati final bosqichi yo'llanmasini qo'lga kiritgan terma jamoamiz azolarini qabul qildi. 

Uchrashuvda O'FA rahbariyatidan tashqari futbol bo'yicha milliy terma jamoamiz bosh murabbiyi Vadim Abramov, o'zbek futzali rivojiga hissa qo'shgan yana bir jonkuyar inson, Mirabror Usmonovning o'g'li Jahongir Usmonov ham ishtirok etdi.   

Etiborlisi, uchrashuv yakunida futzalchilarimiz tashabbus ko'rsatib, O'zbekiston futbol associaciyasining sobiq marhum prezidenti, Senator Mirabror Usmonovning rasmi yonida suratga tushishdi. Bu bilan ular yurtimizda futzal rivojiga katta xissa qo'shgan Mirabror Zufarovichga hurmat bajo keltirishdi.