FOTOGALEREYA. Rapid yo'nalishida 10ta medal bilan Osiyo chempionatida birinchi bo'ldik!

Quvonarlisi, qita chempionatining rapid yo'nalishidagi bahslarida o'zbekistonlik yosh shaxmatchilar 10ta medalni qo'lga kiritishdi. SHulardan 3tasi oltin medallardir.

SHamsiddin Vohidov 16 yoshlilar guruhida Osiyo chempioni bo'ldi. ORtiq Nig'matov va xalqaro grossmeyster Gulruhbegim Tohirjonova 18 yoshlilar o'rtasida qitada tengsiz deb topilishdi.

Terma jamoamiz azolari 4ta kumush medal bilan taqdirlanishdi. Afruza Hamdamova va SHahrombek Karimov 8 yoshlilar musobaqasida, Akobirxon Saydaliev 10 yoshlilar guruhida, Nilufar Yoqubboeva esa 18 yoshli shaxmatchilar orasida osiyo vice-chempioni bo'ldi.

Humoyun Sindorov 8 yosh guruhida, Abdulbosit SHarifjonov 10 yoshli bolalar o'rtasida, Georgiy SHvanov esa 18 yoshli shaxmatchilar bahsida bronza medaliga sazovor bo'ldi.

Yakunda O'zbekiston terma jamoasi shaxmatchilari rapid yo'nalishida umumjamoa hisobida birinchi o'rinni egallashdi. Beshta medalga ega Hindiston terma jamoasi ikkinchi, Qozog'iston terma jamoasi 4ta medal bilan 3-o'rinni band etdi. 

Foto. O'zbekiston shaxmat federaciyasi