Futbol. Bugun O'zbekiston terma jamoasi Iroqqa qarshi o'yin o'tkazadi

Bugungi bahs Dubay shahridagi "Sevens" stadionida o'tkaziladi. Mazkur bahs O'zbekiston vaqti bilan soat 19:00da boshlanadi.

Uchrashuvni himoyachi Hojiakbar Alijonov diskvalifikaciya tufayli o'tkazib yuboradi. Sababi FIFA kunlarida o'tkaziladigan rasmiy o'rtoqlik o'yinlarida olingan qizil kartochkalar keyingi o'yinga tasir qiladi.

Iroq terma jamoasi 11ta o'yindan buyon (penaltilar seriyasi hisobga olinmaganda) hech qaysi raqibga yutqazmay kelmoqda. So'nggi bor iroqliklar 2019 yil 14 avgust sanasida Bahraynga qarshi o'tgan bahsda yutqazib qo'yishgandi.

Bahrayn - 1:1
O'zbekiston - 0:0
Gonkong - 2:0
Kambodja - 4:0
Eron - 2:1
Bahrayn - 0:0
Qatar - 2:1
BAA - 2:0
Yaman - 0:0
Bahrayn - 2:2 (pen: 3:5)
Iordaniya - 0:0

Iroq terma jamoasi JCH-2022 saralashida "C" guruhida ishtirok etmoqda. 5ta o'yinda 3ta g'alaba va 2ta durang qayd etgan jamoa 11 ochko bilan guruhda peshqadamlik qilmoqda. Keyingi o'rinlarda 9 ochko bilan Bahrayn, 6 ochko bilan Eron bormoqda. Gonkongda 5, Kambodjada 1 ochko bor.

Sloveniyalik Srechko Katanec boshchiligidagi Iroq terma jamoasi 12 noyabr kuni Iordaniya bilan o'rtoqlik uchrashuvi o'tkazib, 0:0 hisobida durang o'ynadi.

Iordaniya bilan o'yinni quyidagi futbolchilar asosiy tarkibda boshlashgandi:
Jalol Hassan, Hassan Raed, Ali Fayoz, Saad Notiq, Alaa Mhavi, Amjad Attvan, Muhammad Mezher, Bashar Resan, Humam Tariq, Ibrohim Bayesh, Mohanad Ali.
Zaxira: Muhammad Hamid, Fahad Tolib, Mustafo Muhammad, Maitham Jabbor, Ali Adnan, Muhammad Qosim Majid, Mazin Fayyad, Aymen Hussayin.

Iroq terma jamoasi safida Dubaydagi yig'inda qatnashayotgan futbolchilar ro'yxati:

Darvozabonlar:
Jalol Hassan ("Al Zavra")
Muhammad Hamid ("Al SHorta")
Fahad Tolib ("Al Quva Al Javiya")

Himoyachilar:
Ali Adnan ("Vankuver Vaytpaks", Kanada)
Alaa Mhavi ("Al SHorta")
Ali Fayoz ("Al SHorta")
Saad Notiq ("Al SHorta")
Mustafo Muhammad ("Al Zavra")
Maitham Jabbor ("Al Quva Al Javiya")
Hassan Raed ("Al Quva Al Javiya")

Yarim himoyachilar:
Humam Tariq ("Ismoili", Misr)
Amjad Attvan ("Al SHorta")
Bashar Resan ("Persepolis", Eron)
Ibrohim Bayesh ("Al Quva Al Javiya")
Mazin Fayyad ("Al SHorta")
Muhammad Qosim Majid ("Al SHorta")
Muhammad Rizo Jalil ("Al Zavra")
Muhammad Mezher ("Al SHorta")

Hujumchilar:
Aymen Hussayin ("Al Quva Al Javiya")
Mohanad Ali ("Al Sayliya", Qatar)