Futzal. JCH-2016. CHorak final juftliklari malum

Ushbu bosqichda musobaqa mezboni hisoblangan Kolumbiya terma jamoasi Paragvayga penaltilar seriyasida imkoniyatni boy berib qo'ydi. Rossiya esa Vetnamga imkon qoldirmadi -7:0.

Amaldagi Evropa chempioni Ispaniya esa Qozog'istonni 5:2 hisobida mag'lub etdi. Mundialning asosiy sensaciyasi ham nimchorakda qayd etildi. Amaldagi Jahon chempioni Braziliya Osiyo chempioni Eronga penaltilar seriyasida imkoniyatni boy berib qo'ydi. Forslar o'z tarixlarida birinchi marotaba Braziliyani engishdi.

Rikardino boshchiligidagi Portugaliya Kosta-Rikani 4:0 hisobida taslim etgan bo'lsa, Argentina Ukrainani qo'shimcha bo'limlarda mag'lubiyatga uchratdi. Tailand hamda Ozarboyjon terma jamoalri o'rtasidagi uchrashuv g'olibini ham qo'shimcha bo'limlar aniqlab berdi. Unda ozarlarning qo'li baland keldi - 13:8.

Nimchorakning so'nggi bahsida Misr terma jamoasi Italiyani qo'shimcha bo'limlarda engdi.

CHorak final juftliklari

1. Paragvay - Eron

2. Rossiya - Ispaniya

3. Argentina - Misr

4. Ozarboyjon - Portugaliya

Eslatib o'tamiz, chorak final o'yinlari Toshkent vaqti bilan 25 va 26 sentyabr kunlari o'tkaziladi.