Futzal. JCHga yo'llanma beradigan Osiyo chempionati saralashiga qura tashlandi

Biroz avval OFKning Kuala-Lumpurdagi shtab kvartirasida Osiyo chempionati saralash bellashuvlariga qura tashlandi.

Unga ko'ra, O'zbekiston terma jamoasi Markaziy & Janubiy zonaning "A" guruhida kurash olib boradi. Asosiy o'yinlarga chiqish uchun Bahodir Ahmedov shogirdlari Tojikiston, Nepal va Afg'oniston terma jamoalari bilan bellashishadi.

Futzal bo'yicha Osiyo chempionati-2020 saralash bahslari

Markaziy & Janubiy zona

"A" guruhi

O'zbekiston

Tojikiston

Nepal

Afg'oniston

"B" guruhi

Eron

Qirg'iziston

Turkmaniston

Saralash o'yinlari qaysi davlatlarda o'tishini rasman elon qilinganicha yo'q. Ammo, olgan malumotlarimizga ko'ra biz ishtirok etadigan Markaziy & Janubiy zonadagi saralash o'yinlariga Eron mezbonlik qilishi kutilmoqda.

Ushbu Osiyo chempionati Jahon chempionati-2020ga yo'llanma ham beradi.

Eslatib o'tamiz, O'zbekiston terma jamoasi oxirgi uchta Osiyo chempionatida sovrindor bo'lib kelmoqda (2014 yil Vetnamda bronza, 2016 yil Toshkentda kumush va 2018 yil Xitoy Taypeyida bronza).