Futzal. Murabbiy Bahodir Ahmedov Osiyo chempionatida yoshlar orqali yuqori natijalarga erishmoqchi

O'zbekiston terma jamoasi Osiyo chempionatining “V” guruhidan joy olgan bo'lib, guruhdan chiqish uchun Janubiy Koreya, Yaponiya, Tojikiston terma jamoalariga qarshi bahs olib boradi.

Bugun 31 yanvar kuni “V” guruhidagi terma jamoalar bosh murabbiylari ishtirokida matbuot anjumani bo'lib o'tdi.

"Eronda bo'lib o'tgan saralash bahslaridan keyin Toshkentda o'quv-mashg'ulotlar yig'inini o'tkazdik. Tayyorgarlik jarayoni yaxshi kechdi, tarkibimizda yoshlar ko'p. Asosiy maqsadimiz, yoshlarni sinovdan o'tkazib, Osiyo chempionatida yuqori natijalarga erishish. Birinchi o'yin Janubiy Koreyaga qarshi bo'ladi. Raqibni hurmat qilgan holda, dastlabki bahsni o'z foydamizga hal qilishga harakat qilamiz", - dedi terma jamoamiz ustozi.