Futzal. Terma jamoamizning 2:0 hisobidagi g'alabasi yakunda mag'lubiyatga aylandi

Dastlabki o'yinda yirik 1:6 hisobida imkoniyatni boy bergan futzalchilarimiz ikkinchi o'yinda nisbatan yaxshiroq o'yin namoyish etishdi. Lekin 2:0 hisobida oldinga chiqib olgan terma jamoamiz yakunda 2:4 hisobida yutqazib qo'ydi.

Terma jamoamizdan 3-daqiqada Artur Yunusov, 4-daqiqada Dilshod Irsaliev mezbonlar darvozasini ishg'ol qilgandi. Lekin Qozog'iston terma jamoasining mahalliylashtirilgan legionerlari – Everton, Leo va Duglasning gollari Xose Mariya Mendes shogirdlarining g'alabasini taminladi.  

QOZOG'ISTON - O'ZBEKISTON 4:2 (1:2)

Gollar: Yunusov 3 (0:1), Irsaliev 4 (0:2), Everton 18 (1:2), Leo penaltidan 26 (2:2), Jamankulov 37 (3:2), Duglas 40 (4:2)

Ogohlantirishlar: Leo 20 - Hazratqulov 26

Qozog'iston: SHamro, Igita, Gurov - Knaub, Grebonos, Jamankulov, Leo, Pengrin, Suleymenov, Dovgan, Pershin, Mun, Taku, Rindin, Nurgojin, Duglas, Everton

O'zbekiston: Umarov, Hazratqulov - Anorov, Abdumavlonov, Yunusov, CHoriev, Sviridov, Raxmatov, SHlyoma, Faxriddinov, SHaripov, Irsaliev, Odilov, Eliboev, Abdurazzoqov

Hakamlar: Valyaev, Burmistrov (ikkisi ham Qozog'iston)

10 avgust. Almati. “Zenit” arenasi. 700 tomoshabin