16 avg 10:32
Yangiliklar
Boks/MMA
Gadji Rabadanov ishtirokidagi PFL 9 turnirining asosiy jangi kutilmagan natija bilan yakunlandi
AQSHning SHimoliy Karolina shtati SHarlott shahrida aralash yakkakurash bo'yicha PFL World Tournament 9: Finals turniri bo'lib o'tdi.
PFL 9 Gran-prisining asosiy jangi engil vazn toifasida rossiyalik Gadji Rabadanov hamda Buyuk Britaniya vakili Alfi Devis o'rtasida o'tkazildi. Besh raund to'liq davom etgan jangda kutilmagan natija qayd etildi.
Britaniyalik jangchi hakamlarning yakdil qarori (48-47, 48-47, 48-47) bilan ochkolar hisobi bo'yicha g'alaba qozondi. Devis engil vaznda PFL Gran-prisi g'olibiga aylandi. Jangga qadar Alfiga yaqqol autsayder sifatida qarashayotgan edi.
Malumot uchun, Rabadanov kecha faoliyatidagi beshinchi mag'lubiyatini qabul qilib oldi. Hisobidagi g'alabalari soni 26 taligicha qoldi, bitta durang ham bor. Alfi Devis esa 20 g'alaba, 5 mag'lubiyat va 1 durangga ega.
Havola :
Manba : championat.com
Fikrlar