24 avg 10:12
Yangiliklar

Gandbol

Gandbol: “Mustaqillik kubogi” O'zbekiston va Qozog'iston jamoalariga nasib etdi

Mamlakatimiz mustaqilligining 33-yilligiga bag'ishlab erkaklar va ayollar jamoalari o'rtasida o'tkazilgan “Mustaqillik kubogi” xalqaro turnirida g'olib hamda sovrindorlar aniqlandi.

SHiddatli kechgan musobaqalar sarhisobiga ko'ra, erkaklar jamoalari o'rtasida 1-o'rin “OKMK” GK (O'zbekiston) jamoasiga nasib etgan bo'lsa, 2-o'rin “Toshkent” (O'zbekiston), 3-o'rin “Alatau champions” GK (Qozog'iston)ga tegishli bo'ldi.

“Mustaqillik kubogi”ning qizlar o'rtasidagi bahslarida KGU “Qaysar” (Qozog'iston) jamoasi shohsupaning eng yuqori pog'onasidan joy egalladi. 2-o'rin O'zbekiston o'smirlar terma jamoasiga, 3-o'rin “OKMK” GK (O'zbekiston) vakillariga nasib qildi.

O'zbekiston, Qozog'iston va Tailand davlatlarining bir qator jamoalari ishtirok etgan musobaqaning taqdirlash marosimida g'olib va sovrindor jamoalar, alohida ko'rsatkichga erishgan yosh sportchilarga diplom, medal va esdalik sovg'alari tantanali topshirildi.