Getji Konor Makgregor bilan jang qilish ehtimolini baholadi

Biroq amerikalik chempion kelasi yili oktagonga qaytishni rejalashtirayotgan Konor Makgregor bilan jang qilishga intilmasligini aniq aytdi.

"Agar menga bu jangni taklif qilishsa, uni ko'rib chiqardim. Ammo buning sodir bo'lishiga shubham bor. Hozir uning o'z muammolari etarli. Men endi tresh-tok bilan shug'ullanishni va bu yigitni yomonlashni ham xohlamayman. Men buni avval qilganman. Bu ish bermaydi – men urinib ko'rganman", — deya amerikalikning so'zlarini keltiradi Bloody Elbow nashri.

Joriy yilning iyun oyida Jastin Getji engil vazn toifasida UFC chempionlik kamarini qo'lga kiritdi. Birlashtiruvchi jangda u Iliya Topuriya to'rtinchi raunddan keyin jangni davom ettirishdan bosh tortishga majbur qilgan edi. Konor Makgregor esa iyul oyida besh yillik tanaffusdan so'ng oktagonga qaytdi va jangning 69-soniyasidayoq Maks Xolloueyga qarshi bahsda texnik nokaut bilan mag'lub bo'ldi. U sakrab tepishga uringan vaqtda tizzasidan jarohat olgan edi.